be
pdf

Ніва 2011/23 (2873)

тыднёвік беларусаў у Польшчы

У перадапошні дзень мая завяршыўся трыццаты, юбілейны Міжнародны фестываль царкоўнай музыкі (фестываль спяваючай душы). У дзень інаўгурацыі, у яго кулуарах сусветнай славутасці дырыжор і кампазітар, а заадно мастацкі патрон Кшыштаф Пэндэрэцкі заявіў журналістам: „Гэта найбольшы фестываль царкоўнай музыкі, і не толькі ў Польшчы”. Пераможцам сёлетняга выпуску стаў Камерны хор Дзяржаўнай філармоніі з горада Астана, сталіцы Казахстана (катэгорыя прафесійных хароў). Сярод чатырох беларускіх хароў аж тры сталі лаўрэатамі ўзнагарод. — Можа ўрэшце Казахстан не будзе асацыявацца толькі з коньмі і ездакамі, але і з цудоўнай царкоўнай музыкай, — сказаў пасля абвяшчэння вынікаў дырыжор казахскага хору Ержан Даутаў. У конкурсных слуханнях у актавай зале палаца Браніцкіх выступілі хары парафіяльныя, аматарскія свецкія, прафесійныя і музычных вучэльняў, прафесійныя і дзіцяча-маладзёжныя. Агулам прэзентавалася 28 хароў (два не даехалі) з каля дваццаці краін. Большасць з іх гэта лаўрэаты папярэдніх выпускаў конкурсу, некаторыя неаднаразовыя. З ліку чатырох хароў з Беларусі лаўрэатамі сталі: жаночы хор „Элегія” (катэгорыя: аматарскія свецкія хары; другое месца), дзіцячы хор „Ліра” (катэгорыя: хары дзіцяча-маладзёжныя; першае месца і ўзнагарода старшыні Польскага тэлебачання) ды Акадэмічны хор Дзяржаўнага радыё і тэлебачання (катэгорыя: прафесійныя хары; пароўну другое месца). Усе з Мінска. (...)

Каталёг: Kamunikat.org
Пэрыёдыка: Ніва
Выдаўцы і выдавецтвы: Праграмная рада тыднёвіка Ніва
  • Месца выхаду: Беласток
  • Дата выхаду: 2011-06-05
  • Рэдактар: Вапа Яўген
  • Выдавец: Праграмная рада тыднёвіка Ніва
  • Copyright: © 1999-2011 by Праграмная рада тыднёвіка Ніва
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org