be
pdf

Ніва 3 (2279)

тыднёвік беларусаў у Польшчы

У навагодніх беларускамоўных перадачах Радыё „Рацыя” і Радыё „Бялысток” мясцовыя палітыкі ад Саюза левых дэмакратаў — Ян Зенюк, Ян Сычэўскі і Яўген Чыквін, а таксама іншыя беларускія дзеячы шмат гаварылі пра фінансаванне культуры нацыянальных меншасцей у Падляшскім ваяводстве. Найбольш увагі прысвяцілі яны адсутнасці планаваных выдаткаў у бюджэце Маршалкоўскай управы. Райцы правых партый у Ваяводскім сейміку рашуча адмаўляюцца выдзяляць грошы на нацыянальныя меншасці. Зусім не здзіўляе мяне стаўленне мясцовых правых нацыянальных і клерыкальных партый да беларусаў, але не магу зразумець абурэння прадстаўнікоў Саюза левых дэмакратаў. Гэта выглядае так, як абурацца на ваўка, што з’еў барана, замест наесціся травы. На маю думку, беластоцкія эндэкі ў адносінах да беларусаў паводзяць сябе вельмі сумленна. Адкрыта заяўляюць, што спасылаюцца на традыцыі даваеннага перыяду і ніколі не дэкларавалі, што любяць ці шануюць нейкіх „рускіх”. Наогул не разбіраюцца яны ў гэтых нашых унутраных нацыянальных ці палітычных падзелах. У іх вачах і так усе з’яўляемся маналітам, „кацапскай” масай, на дадатак камуністычнай арыентацыі. Яны вельмі паслядоўныя ў сваіх паводзінах. Немагчыма ім паставіць закід у крывадушнасці. Нічога і ніколі яны беларусам не абяцалі. Тое, што нічога не далі, з’яўляецца тады станам тутэйшай нармальнасці. Калі б нешта падляшскія эндэкі прапанавалі, тады сапраўды можна было б здзіўляцца і пытацца: што сталася? (Я. Мірановіч, Чаму воўк любіць мяса, фрагмэнт)

Каталёг: Kamunikat.org
Пэрыёдыка: Ніва
Выдаўцы і выдавецтвы: Праграмная рада тыднёвіка Ніва
  • Месца выхаду: Беласток
  • Дата выхаду: 2000-01-16
  • Рэдактар: Луба Віталь
  • Выдавец: Праграмная рада тыднёвіка Ніва
  • Copyright: © 1999-2009 by Праграмная рада тыднёвіка Ніва
  • Кнігазбор: Kamunikat.org
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org