Права на волю № 9 (294) 2011

Не запалохаць, не зламаць... Асуджаны за ўдзел у "масавых беспарадках" Мікіта Ліхавід адбывае пакараньне ў Наваполацкай калоніі. Туды яго этапавалі 7 траўня і ўжо праз два дні ён патрапіў на 10 сутак у штрафны ізалятар (ШЫЗА). Адбыўшы гэтае пакараньне, праз суткі зноў патрапіў у ШЫЗА ўжо на 15 сутак, 9 чэрвеня – яшчэ на 5 сутак, 14 чэрвеня – зноў 5 сутак, а 11 ліпеня моладзевы актывіст пяты раз трапіў у карцэр на 20 сутак. Усяго ад 7 траўня, калі ён быў этапаваны ў калонію, Мікіта Ліхавід правёў у карцэры 35 сутак... Адвакат Дар’я Ліпкіна пасьля наведаньня свайго падабароннага Мікіты Ліхавіда распавяла, што ён вельмі худы, бледны, пад вачыма сінія кругі. Але трымаецца мужна, ні на што ня скардзіцца. Маці палітвязьня Алена Ліхавід паведаміла: "Нядаўна я размаўляла з доктарам з калоніі. Ён сказаў, што імкнецца наведваць карцэр кожны дзень, цікавіцца, ці ёсьць скаргі на здароўе. Сказаў, што Мікіта ні на што не скардзіцца. Ягоная бледнасьць і сінія кругі пад вачыма выкліканыя тым, што ён амаль не знаходзіцца на сьвежым паветры, ня бачыць сонца"... У карцэры забаронена любая перапіска, так што лістоў ад Мікіты яго маці даўно не атрымлівала.

• Месца выхаду: Мінск
• Дата выхаду: 2011-07-20
• Выдавец: Праваабарончы цэнтр Вясна
• Copyright: © 2011 by Праваабарончы Цэнтр Вясна
• Кнігазбор: Kamunikat.org