Belarus Live 22.02.2008

Самым напружаным сюжэтам у грамадзка-палітычным жыцьці Беларусі цягам апошніх дзён стала сытуацыя вакол палітыка Аляксандра Казуліна і ягонай сям’і. Казулін быў абвінавачаны ў арганізацыі масавых беспарадкаў і асуджаны на пяць з паловай гадоў зьняволеньня ў калёніі строгага рэжыму пасьля прэзыдэнцкіх выбараў 2006 году, на якіх ён выступаў у якасьці аднаго з кандыдатаў. Многія палічылі, што такім чынам Казулін паплаціўся за жорсткую крытыку дзейнага кіраўніка дзяржавы. Сёньня Казуліна называюць "беларускім зьняволеным №1". Пасьля таго як цягам мінулых тыдняў былі датэрмінова вызваленыя некалькі чалавек, якіх Захад і беларускае незалежнае грамадзтва лічаць вязьнямі сумленьня, канчатковае вырашэньне праблемы палітзьняволеных затармазілася менавіта на асобе Казуліна. Між тым менавіта поўнае вырашэньне гэтай праблемы Захад называе папярэдняй умовай для наладжваньня дыялёгу з афіцыйным Менскам.

• Месца выхаду: Мінск
• Дата выхаду: 2008-02-22
• Copyright: © 2006-2009 by Belarus Live
• Кнігазбор: Kamunikat.org
• Дадатковая даведка: http://belarus-live.eu