be
pdf

Belarus Live 04.01.2008

Newsletter

Заявы напярэдадні Новага году кіраўніка Беларусі Аляксандра Лукашэнкі і ягонага міністра замежных справаў Сяргея Мартынава, у якіх былі закрануты пытаньні ўзаемаадносінаў з Эўразьвязам і ЗША, аптымізму ў заходніх сталіцах дадаць не маглі. «Дыялёг паміж партнэрамі ня можа грунтавацца на папярэдніх умовах, іначай гэты дыялёг не атрымаецца наагул ці ня будзе выніковым», – заявіў С. Мартынаў у інтэрвію агенцтву «Рэйтэр». Такім чынам, афіцыйны Менск адказаў Брусэлю на прапанову распачаць дыялёг па нармалізацыі адносінаў, грунтам якога павінна быць выкананьне вядомых дванаццаці ўмоваў, сярод якіх, у першую чаргу, самае простае – вызваленьне невялікай групы палітвязьняў. Паводле словаў С. Мартынава, лёгіка папярэдніх умоваў – гэта лёгіка, якую «наўрад ці можна ўвязаць з рэаліямі і пэрспэктывай». То бок, мабыць, варта думаць, што выпрацаваная пасьля даўгіх дыскусіяў адзіная пазыцыя Эўразьвязу ў дачыненьні да Беларусі нерэальная і беспэрспэктыўная. І, натуральна, узьнікае пытаньне: якія ж тады рэальныя пэрспэктывы адкрыцьця ў Менску прадстаўніцтва Эўракамісіі? У беларускім МЗС завяраюць, што праца над гэтым ідзе. А ў Брусэлі, трэба меркаваць, асьцярожны аптымізм на гэтую тэму стаў яшчэ менш заўважным.

Каталёг: Kamunikat.org
Пэрыёдыка: Belarus Live
  • Месца выхаду: Мінск
  • Дата выхаду: 2008-01-04
  • Copyright: © 2006-2009 by Belarus Live
  • Кнігазбор: Kamunikat.org
  • Дадатковая даведка: http://belarus-live.eu
Камунікат.org – Беларуская Інтэрнэт-Бібліятэка
Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк
Fundacja Kamunikat.org | KRS 0000735360 | NIP 5423316380 | REGON 380450384 ul. Proletariacka 11 |15-449 Białystok| Polska
Правы © 2000-2024 by Kamunikat.org