Народная Воля 47 (4402) 2019

У нядзелю лідскія актывісты прынеслі да райвыканкама слоікі з бруднай вадой і паставілі іх перад уваходам, з тым каб улады правялі аналізы гэтай вады. Паводле інфармацыі сведак, удзельнікі акцыі, у тым ліку аператар, які іх здымаў, аштрафаваны. У панядзелак яшчэ двое актывістаў днём выйшлі з плакатам “Мёртвая Дзітва” на сходы Лідскага райвыканкама і прастаялі там больш за хвіліну. Telegram-канал «NEXTA Lite» апублікаваў іх здымак. Аб іх затрыманні нічога не паведамляецца. У мінулым нумары “Народная Воля” пісала пра тое, што на рацэ Дзітве ў Лідскім раёне Гродзенскай вобласці адбыўся памор рыбы і вада ў рацэ мае непрыемны пах. Жахары Ліды высветлілі, што забруджаная вада трапляе ў Дзітву і далёй у Нёман з лідскіх ачышчальных збудаванняў. “Народная Воля” звязвалася з Лідскай інспекцыяй аховы жывёльнага і расліннага, і там ведаюць пра памор рыбы ў Дзітве, а таксама непрыемны пах ад вады. Начальнік інспекцыі Андрэй Грос сказаў нашай газеце, што ў мінулы чацвер з самай раніцы па дадзеным факце праводзілася праверка, узяты пробы вады. У панядзелак вынікаў аналізаў яшчэ не было.

• Месца выхаду: Мінск
• Дата выхаду: 2019-06-18
• Рэдактар: Сярэдзіч Іосіф
• Выдавец: УК Народная Воля
• Copyright: © 2019 by Народная воля
• Кнігазбор: Kamunikat.org