Пінск, якога ўжо няма


Паўстагоддзя таму, ў 1968 годзе, першы беларускі кардынал Казімір Свёнтак зняў і агучыў дакументальную стужку “Пінск – сталіца Палесся”.

У свой час фільм адлічбаваў менскі рэжысёр Юры Гурулёў, пасля чаго ён стаў дасяжны шырокай аўдыторыі.

Гісторык-краязнаўца Эдвард Злобін кажа, што стужка Свёнтка пра Пінск – гэта ўнікальны артэфакт:

– Унікальныя кадры, дзе мы можам убачыць горад, якога ўжо няма. Вельмі важныя яго каментары. Ён зрабіў панарамны здымак горада са званіцы. Зняў уезд у Пінск з розных бакоў. Гэта вельмі цікава. Зараз усё кардынальна змянілася.

Рабіць здымкі і відэа-запісы – гэта было ўлюбёным хобі Казіміра Свёнтка. Пасля ягонай смерці ўся фатаграфічная спадчына кардынала была перададзена духавенству касцёла ў Беларусі.

Беларускае Радыё Рацыя

Крыніца: Беларускае Радыё Рацыя