25 сакавіка адбудзецца канцэрт для Беларусі ў Нацыянальнай філармоніі

2021-03-25 15:58

:/:

25 сакавіка, у гадавіну абвяшчэння Беларускай Народнай Рэспублікі, у Нацыянальнай філармоніі ў Варшаве адбудзецца канцэрт «Граем для Беларусі».

Арганізатар канцэрту, Нацыянальны цэнтр культуры, шмат гадоў актыўна працуе ў карысць дыялогу польскай культуры з культурай суседніх дзяржаў. Ён падтрымлівае ідэю грамадскай салідарнасці і барацьбу жыхароў краін Цэнтральна-Усходняй Еўропы за дэмакратыю і свабоду.

У сувязі з сітуацыяй у Беларусі гэтая актыўнасць цяпер асабліва важная, – гаворыць дырэктар Нацыянальнага цэнтру культуры прафесар Рафал Вісьнеўскі (Rafał Wiśniewski). І адзначае, што канцэрт будуць весці на дзвюх мовах.

- Канцэрт будзе па-польску і па-беларуску. Мы паважаем нашых сяброў, калег з Беларусі і беларускае грамадства. На маю думку, гэта пазітыўны сігнал, што канцэрт на дзвюх мовах.

Падчас мерапрыемства выступяць польскія і беларускія артысты. У праграме канцэрту, акрамя твораў гурту Naviband, таксама кампазіцыі Часлава Немэна і песня «Муры». Канцэрт будзе транслявацца ў прамым эфіры па Польскім тэлебачанні, у тым ліку на канале Белсат, а таксама ў інтэрнэце.

нг

Крыніца: Беларуская служба Польскага радыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк