26 сакавіка Арлоў у Шчэціне прэзентуе непадцэнзурнага Караткевіча

2026-03-20 11:06

26 сакавіка ў Шчэціне адбудзецца прэзентацыя непадцэнзурнага выдання кнігі «Каласы пад сярпом тваім» Уладзіміра Караткевіча. У сустрэчы ўдзельнічаюць пісьменнік Уладзімір Арлоў і выдавец Яраслаў Іванюк.

Ёсць кнігі, з’яўленне якіх не бывае выпадковым. Выданне рамана Уладзіміра Караткевіча «Каласы пад сярпом тваім» Фондам Kamunikat.org было даўно чаканай падзеяй — як для чытачоў, так і для тых, хто ўспрымае беларускую літаратуру як жывую частку сучаснасці.

Раман, знаёмы многім пакаленням школьнікаў, быў выключаны з праграмы ў 2023 годзе. Але яшчэ нядаўна гэтую кнігу можна было прачытаць на “Валадарцы” (sic!) і ў іншых турмах, дзе ўтрымліваюцца палітзняволеныя.

Удзел у сустрэчы з чытачамы бяруць выдавец, дырэктар Фонда Kamunikat.org Яраслаў Іванюк і пісьменнік Уладзімір Арлоў. Спадар Яраслаў раскажа гісторыю выдання, якім Камунікат завершыў святкаванне свайго 25-годдзя.

Уладзімір Арлоў падзеліцца асабістымі згадкамі: як класік паўплываў на яго жыццё і выбар. Наведнікі сустрэчы пачуюць між іншым пра касманаўташ над Оршай, пра сланоў у цэнтры Менску і чаму кнігі Караткевіча давалі толькі па дзве ў адны рукі.

Месца: Klub Storrady (ul. Storrady-Świętosławy 2)
Час: 26 сакавіка, 18:00

Падчас сустрэчы можна будзе набыць беларускія кнігі, выдадзеныя Фондам “Камунікат”.

Крыніца: bellit.info

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк