А як жа сэкс, дом і сын?..

Ася Волкава нарадзілася 19 красавіка 1988 г. ў Мінску. Студэнтка 5 курса філфака БДУ. Перакладае з чэшскай мовы. Фіналістка конкурсу Беларуску ПЭН-Цэнтра да стагоддзя Ларысы Геніюш. Паэзія можа быць не толькі чытаннем, але і сапраўдным відовішчам. Верш, агучаны, ці — часта — выкананы аўтарам, — апрыёры цікавае відовішча. Спажыўцы трэш-літаратуры, інтэлектуальнай філалагічнай верлібрыстыкі, вершаў пра Радзіму і духоўнасць, эмацыйна-аўтаматычнага пісьма, плыні свядомасці і г.д. — усе шукаюць тое, што адпавядае ўласным літаратурным густам. Кожны вырашае для сябе сам, што ў літаратуры добра, а што — кепска. «Чорна-белыя вершы» — зрэз сучаснага стану літаратуры, летапіс літаратурнай рэчаіснасці. Паэты адрозныя своёй непаўторнай манерай чытання, з уласнымі тэмамі і падыходамі да іх раскрыцця. Паколькі аднастайнасць — нярэдка прыкмета застою, мы і не чакаем, што праект можна будзе падпарадкаваць пэўнаму фармату, мы не можам загадваць аўтарам, што чытаць альбо што не чытаць.

• Месца выхаду: Мінск
• Дата выхаду: 2010-10-08
• Выдавец: Будзьма беларусамі!
• Катэгорыя: Відэа
• Copyright: © 2010-2013 by Будзьма беларусамі!
• Кнігазбор: Kamunikat.org