Алег Латышонак: Скажу шчыра, што гэта ўзнагарода нечаканая

2023-01-10 12:53

:/:

Анджэй Дуда ўзнагародзіў 14 выбітных асобаў Польшчы Медалём Стагоддзя Аднаўлення Незалежнасці краіны.

Сярод адзначаных – і беларуска-польскі гісторык, удзельнік змагання з камуністычным рэжымам у час „Салідарнасці” Алег Латышонак.

„Я шчыра ўсхваляваны такім знакам пашаны”, – кажа дзеяч:

– Скажу шчыра, што гэта ўзнагарода нечаканая. Я не думаў, што атрымаю яе. Нават думаю, што не заслужыў. Гэта не першы мой ордэн і медаль, але раней меў пачуццё, што неяк заслужыў гэта, а тут мне здаецца таму, што я беларус, стараўся штосьці зрабіць на карысць Польшчы і Беларусі.

Урачыстасць прайшла ў Прэзідэнцкім палацы ў Варшаве. Мерапрыемства падтрымалі музычна-літаратурнымі выступам.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк