Анёлак і я

Надрукаванае ў 24 нумары часопіса “Дзеяслоў” (5, 2006) і перадрукаванае 10 кастрычніка 2007 года ў газеце “Народная Воля” (№№ 161 – 162), апавяданне “Анёлак і я” – поўнае музыкі, філасофіі, паэзіі і таямніцы. Яно пра гламурную N – мастацкае ўвасабленне сучаснай дзелавой жанчыны, а таксама ж пра хлопчыка, які чакае маці, і пра мужчыну, якога пакінула каханне, і пра Беларусь, як пра сустрэчу новай зямлі з раскіданым гняздом... Леанід Дранько-Майсюк – аўтар “Полькі беларускай”, вершаў для цудоўнай А. і кнігі для спадарыні Эл – нарадзіўся 10 кастрычніка 1957 года ў Давыд-Гарадку; скончыў маскоўскі Літаратурны інстытут імя А. М. Горкага; працаваў у выдавецтве “Мастацкая літаратура”. Са жніўня 2002 года нідзе не служыць, займаецца чыстым пісьменніцтвам і для яго творчая свабода – лепшы падарунак лёсу.

• Месца выхаду: Мінск
• Дата выхаду: 2009
• Рэдактар: Акулін Эдуард
• Выдавец: Галіяфы
• Памеры: 96 с.
• ISBN: 978-985-6906-16-2
• Катэгорыя: Мастацкая літаратура
• Copyright: © 2009 by Леанід Дранько-Майсюк, Галіяфы
• Кнігазбор: Kamunikat.org, Прыватны каталёг