«Беларускага снайпера» ад Kamunikat.org прадставілі ў Беластоку

2025-12-22 16:00

:/:

У Беластоку, у прасторы «Новая Зямля» 20 снежня адбылася прэзентацыя рамана-трылера «Беларускі снайпер». Кніга, напісаная былым амбасадарам Польшы ў Беларусі Лешкам Шарэпкам, раскрывае цёмныя механізмы сучаснай беларускай рэчаіснасці і паказвае, як супраціў можа нараджацца ўнутры чалавека, вымушанага служыць сістэме.

Пра асаблівасці рамана, яго ідэю і значэнне для сучаснага беларускага чытача распавёў выдавец кнігі, кіраўнік выдавецтва «Камунікат» Яраслаў Іванюк:

— У мастацкай кнізе Лешэк Шарэпка крыху больш мог напісаць адкрытым тэкстам пра сітуацыю ў Беларусі.

РР: Ці ёсць у кнізе нейкія пазнавальныя асобы?

— Ну пачнем можа з найбольш вядомай беларускай асобы, прэзідэнтам у гэтай кнізе ёсць Лукавы, усе напэўна здагадаюцца. Таксама там выступаюць іншыя сапраўдныя беларускія палітыкі, у якіх прозвішчы змененыя вельмі-вельмі мала. Кожны, хто будзе чытаць і хто больш-менш арыентуецца ў беларускай сітуацыі, напэўна здагадаецца, пра каго Лешэк Шарэпка піша.

Лешэк Шарэпка пра сваю кнігу і яе асаблівасці распавядае наступнае:

— Гэта прыдуманая тэматыка, але стараўся змясціць у кнізе падзеі, якія сапраўды адбываліся, пра палітычныя беларускія рэаліі. Думаю, што гэта будзе цікава для беларускага чытача. Можна сказаць, што ў кнізе прысутнічаюць палітыкі, якія былі ў той час у Беларусі, якія і сёння ёсць і кіруюць гэтай краінай. Але гэта ўсё ж такі мастацкая кніга, у якой прысутнічае мая ўласная фантазія.

Кнігу можна набыць праз сайт «Камуніката», а таксама на ўсіх кніжных кірмашах Польшы, дзе прадстаўлена беларуская кніга.

Цалкам матэрыял — у далучаным гукавым файле!

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк