Беларуская дыктоўка

2023-02-07 16:05

Кафедра беларусістыкі Варшаўскага ўніверсітэта разам з Беларускім Моладзевым Хабам і Беларускім домам у Варшаве запрашае да ўдзелу ў арфаграфічным конкурсе “Беларуская дыктоўка” з нагоды Міжнароднага дня роднай мовы, які штогод адзначаецца 21 лютага.

Конкурс пройдзе ў гібрыдным фармаце. Шанцы на атрыманне дыпломаў і ўзнагарод маюць выключна стацыянарныя ўдзельнікі. Пасля абвяшчэння вынікаў, арыгінальны тэкст дыктоўкі будзе апублікаваны на старонцы кафедры беларусістыкі ў фэйсбук.

Тэкст дыктоўкі прачытае Аліна Коўшык, прадстаўніца Аб’яднанага пераходнага кабінета.

Удзел у дыктоўцы (у фармаце анлайн) пацвердзілі беларускія дыяспары з Прагі, Лондану, ЗША і Канады.

Запрашаем да рэгістрацыі на старонцы кафедры беларусістыкі ў фэйсбуку.

Медыя-патранат аказалі: Radio Kampus, тэлебачанне Белсат, радыё Ўнэт, радыё Свабода і інтэрнэт-бібліятэка Komunikat.org.

Крыніца: Кафедра беларусістыкі Варшаўскага ўніверсітэта

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк