Беларуская літаратура

Вы разгарнулі кнігу, якая на працягу навучальнага года будзе вам дарадцам і спадарожнікам на ўроках роднай літаратуры. Шчаслівы той чалавек, хто любіць чытаць. Ён заўсёды сярод добрых і надзейных сяброў — кніг. Кніга — найвышэйшы здабытак людской мудрасці, яна захоўвае памяць пра чалавечы род, нашых продкаў, падзеі мінулага. Вам, напэўна, вядома, што доўгі час кнігі былі рукапіснымі. Вялікім дасягненнем стала для чалавека друкаваная кніга. У Еўропе пачатак кнігадрукаванню паклаў Іаган Гутэнберг. Следам за ім у 1517 годзе славуты сын беларускай зямлі Францыск Скарына надрукаваў першую кнігу на роднай мове. Ён даў прыклад у кнігадрукарскай справе іншым усходнеславянскім народам. Так, першыя кнігі ў Расіі і ва Украіне былі надрукаваны на пяцьдзясят гадоў пазней.

• Месца выхаду: Мінск
• Дата выхаду: 2016
• Выдавец: Нацыянальны Інстытут Адукацыі
• Памеры: 312 с. : іл., 21 см
• ISBN: 978-985-559-619-7
• Катэгорыя: Мастацкая літаратура, Дзіцячая літаратура, Мэтадычная літаратура
• Copyright: © 2016 by Бельскі А., Цітова Л.
• Кнігазбор: Kamunikat.org