Бліндаж

Бібліятэчка часопіса “Дзеяслоў” выдала творы Васіля Быкава, якія былі малавядомыя беларускаму чытачу. Некаторыя з замешчаных у кнізе “Бліндаж” раней друкаваліся на старонках “Дзяеслова”, некаторыя ўпершыню пабачылі свет у 1958 годзе на старонках перыядычных выданняў, а пасля не перавыдаваліся. Тэматыка сабраных пад адной вокладкай твораў – можна сказаць традыцыйная для Васіля Быкава – чалавек у вайне. Грунтоўны аналіз чалавечых характараў, чалавечых пачуццяў у сітуацыі выпрабавання. Аўтар не асуджае сваіх герояў, не пробуе супаставіць добрае з кепскім. Проста апісвае сітуацыю, здарэнні, чалавека ў ім і дае магчымасць чытачу самастойна ацаніць (асудзіць ці адобрыць) паводзіны людзей. Аповесці прымушаюць задумацца, паразважаць “як бы я паступіў у такой сітуацыі?”. Менавіта гэтая магчымасць чытаючы аналізаваць самога сябе робіць творчасць Быкава непаўторнай і неабходнай. Кніга прызначана шырокаму колу чытачоў. (Н.Г.)

• Месца выхаду: Менск
• Дата выхаду: 2006
• Рэдактар: Пятровіч (Сачанка) Барыс
• Выдавец: Хурсік Віктар
• ISBN: 985-6718-65-1
• Катэгорыя: Мастацкая літаратура, Мэмуары
• Copyright: © 2006 by Дзеяслоў, Васіль Быкаў; Генадзь Мацур, мастацкае афармленьне
• Кнігазбор: Kamunikat.org, Каталёг БГТ, Прыватны каталёг
• Інвэнтарныя нумары: BTH — 4119
• Дадатковая даведка: Выданьне публікуецца тут за ласкавай згодай Рэдакцыі часопісу Дзеяслоў