Божым Шляхам 2 (119) 1970

"Хрыстос Уваскрос!" Дзень, у якім людзі даведаліся, што сьмерці ўжо няма, назаўсёды будзе самым вялікасным у гісторыі чалавецтва. Вялікдзень людзі заўсёды будуць сьвяткаваць як найболынае СЬВЯТА! I жыды за найпершае сьвята ўважалі Пасху — пераход ад няволі ў Егіпце на свабоду ў Зямлі Абяцанай. Аднак, калі Хрыстос Уваскрос — ад сьмерці да жыцьця — тое самае абяцаў усім, хто толькі захоча пайсьці за Ім, — дык тыя, што сапраўды пайшлі за Хрыстом, назвалі Пасхай гэты слаўны дзень Новага Запавету, а мы завём яго «Вялікаднем». Перамога Хрыста над сьмерцяй пашырыла свабоду чалавека да бяскрайнасьці, бо вечнае жыцьцё канца ня мае. А жыцьцё — гэта свабода: дзе няма жыцьця, там свабода немагчыма. I толькі паэты могуць гаманіць аб свабодзе ветру, хмараў ці мора. Трава, краскі і дрэвы маюць свабоду агранічаную: яны жывуць, але й самі ня ведаюць, што жывуць. Аднак яны растуць, размнажаюцца і пнуцца ўгару, калі зямля ці вада пакорна паддаюцца матар'яльным сілам. інэрцыі, коцячыся ўніз. Далёка свабаднейшай ёсьці жывёла, якая сама ўжо ведае, што існуе. Птушка ня толькі ўмее паляцець, каб знайсьці сабе ежу. Болын таго, калі ноч становіцца занадта доўгай і яна ня можа гэтулькі часу вытрываць бяз ежы, то ўмее тады пералятаць у далёкія краі, дзе ноч карацейшая, хоць ніколі яшчэ там ня была. Гэта паказвае, што за яе падумаў Сам Бог-Стварыцель, бо тут птушка не праяўляе свабоды, а толькі спаўняе вымогі біялягічнага закону, званага інстынктам.

• Месца выхаду: London
• Дата выхаду: 1970-03
• Рэдактар: Гэрмановіч Язэп
• Выдавец: Marian House
• Кнігазбор: Kamunikat.org