Былую выкладчыцу Наталлю Дуліну асудзілі на 3,5 гады

Былому дацэнту кафедры італьянскай мовы Менскага дзяржаўнага лінгвістычнага ўніверсітэта быў абвешчаны прысуд.

Судзілі Наталлю па „народным” 342-м артыкуле – удзел у масавых беспарадках, а таксама за „садзейнічанне экстрэмісцкай дзейнасці”. Суд праходзіў у закрытым рэжыме.

З 2020 года Наталлю Дуліну неаднаразова змяшчалі ў ізалятар на Акрэсціна па адміністрацыйных справах. У кастрычніку 2022 года пасля шостага затрымання яна на волю не выйшла — на яе пачалі крымінальную справу.