Чарнобыльская малітва

Дакументальна-мастацкая хроніка «Галасы Утопіі» — пяць кніг, у якіх «маленькі чалавек» сам апавядае пра свой лёс. Гэта адметны жанр — шматгалосыя раманы-споведзі, у якіх з малых падзеяў складваецца вялікая гісторыя. Перад чытачом — апошняя аўтарская рэдакцыя цыкла ў найноўшым беларускім перакладзе. Пісьменніца паводле свайго творчага метаду дапрацавала хроніку: скасавала цэнзурныя праўкі, далучыла новыя эпізоды, а таксама старонкі з уласнага дзённіка. «Чарнобыльская малітва» — чацвёртая кніга хронікі, прысвечаная галоўнай тэхнагеннай катастрофе ХХ стагоддзя. Кніга вельмі часта гаворыць галасамі нашых суайчыннікаў — ліквідатараў і іх сваякоў, журналістаў і навукоўцаў, настаўнікаў і жыхароў палескіх вёсак.

• Месца выхаду: Вільня
• Дата выхаду: 2018
• Рэдактар: Пятровіч Барыс
• Перакладчык: Арлоў Уладзімір
• Выдавец: Логвінаў
• Памеры: 336 с.
• ISBN: 978-6009-8213-32-4
• Катэгорыя: Гісторыя, Мастацкая літаратура, Грамадзтва
• Copyright: © 2018 by Святлана Алексіевіч, Уладзімір Арлоў - пераклад, Логвінаў - афармленне
• Кнігазбор:
  • прыватны кнігазбор у Беластоку (папяровы асобнік)
• Дадатковая даведка: Да 70-годдзя Святланы Алексіевіч. Выдадзена пры дапамозе краўдфандынгу Ulej.by