Час трывогі і надзеі

Час трывогі і надзеі – апошняя, чацвёртая кніга з серыі “Штодзённае жыццё беларусаў Беласточчыны”. Заключная кніга тэтралогіі ахоплівае пасляваенны перыяд ад 1944 да 1956 года. Як і папярэднія часткі цыклу, асновай матэрыялаў, сабраных у кнізе з’яўляюцца ўспаміны жыхароў Падляшша, запісаныя журналістамі тыднёвіка “Ніва”. Здавалася б, вайна скончылася, акупацыя мінула, пара адбудоўваць гаспадарку, уводзіць жыццё ў мірнае, нармальнае рэчышча. Але на Падляшшы надалей дзейнічаюць банды, якія не даюць спакою мясцовым жыхарам. Апрача таго ў 1946-м была канчаткова вызначана дзяржаўная мяжа паміж Польшчай і Савецкім Саюзам. Рыска на карце падзяліла лёсы, сем’і, вёскі, жыцці. Частка Падляшша ўвайшла ў склад Беларусі, частка – у склад Польшчы. Пачалася прапаганда, былі заклікі і пагрозы. Людзей пепраманьвалі або выганялі, змушалі сарвацца з месца і ехаць за мяжу (у суседнюю краіну), як аказалася пасля – развітацца з роднай хатай, калі не на заўсёды, дык на доўгія дзесяцігоддзі. У кнізе апісаны не толькі лёсы асобных людзей, але і лёсы цэлых вёсак, якія падчас вызначэння мяжы дзяліліся напалам. Кніга завяршаецца 1956 годам, бо менавіта ў 56-м пачаў выходзіць тыднёвік “Ніва” і жыццё беларусаў Беласточчыны адлюстроўвалася ўжо на старонках газеты.

• Месца выхаду: Беласток
• Дата выхаду: 2007
• Рэдактар: Луба Віталь
• Выдавец: Праграмная Рада Тыднёвіка Беларусаў у Польшчы Ніва
• Выдавецтва/ друкарня: Offset Print, Białystok
• ISBN: 978-83-925904-8-4
• Катэгорыя: Гісторыя, Грамадзтва, Біяграфіі, Мэмуары
• Copyright: © 2007 by Праграмная Рада Тыднёвіка Беларусаў у Польшчы Ніва
• Кнігазбор: Kamunikat.org, Каталёг БГТ, Каталёг EEDC, Каталёг MiOKB, Прыватны каталёг
• Інвэнтарныя нумары: BTH — 3997, 3998, EEDC — 3212, 3212-2, MiOKB — 10581
• Дадатковая даведка: Кніга публікуецца тут за ласкавай згодай Праграмнай Рады Тыднёвіка Беларусаў у Польшчы Ніва