Часопіс „Дзеяслоў” надрукаваў успаміны пра Пятра Васючэнку

2020-09-11 10:43

:/:

Выйшаў з друку чарговы, чацвёрты сёлетні, нумар літаратурнага часопісу “Дзеяслоў”, які выдае Саюз беларускіх пісьменнікаў.

Сярод іншых матэрыялаў нумар утрымлівае ўспаміны сяброў пра пісьменніка і літаратуразнаўцу Пятра Васючэнку. Дачка пісьменніка Марыля Васючэнка выказала ўдзячнасць за гэтую публікацыю.

– Я вельмі ўдзячная рэдакцыі часопіса “Дзеяслоў”, а таксама спадару Уладзіміру Сіўчыкаву за тое, што ён узяў на сябе высілкі па зборы гэтых успамінаў. Там сабраныя ўспаміны ягоных сяброў і калег.

Часопіс “Дзеяслоў” надрукаваў успаміны пісьменнікаў Лявона Баршчэўскага, Сяргея Кавалёва, Уладзіміра Сіўчыкава і Алеся Усені, а таксама жонкі Пятра Ніны Здановіч. Пятро Васючэнка летась раптоўна пайшоў з жыцця ў 60-гадовым узросце.

Васіль Кроква, Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк