Галасы і вобразы

Доктар філалагічных навук, крытык Алесь Бельскі запрашае ў духоўны космас беларускай паэзіі, каб адкрыць багацце нацыянальнай канкрэтыкі, хараство родных вобразаў, пачуць непаўторныя і адметныя галасы песняроў бацькоўскай зямлі. Аўтар перачытвае старонкі спадчыны класікаў, пісьменнікаў, якія загінулі ў гады вайны, акцэнтуе ўвагу на мастацкіх набытках многіх сучасных паэтаў, асэнсоўвае чарнобыльскі вопыт беларускай літаратуры. У розных аспектах разглядаецца творчасць Я. Купалы, Я. Коласа, А. Міцкевіча, П. Труса, У. Дубоўкі, А. Куляшова, М. Танка, У. Караткевіча, І. Навуменкі, С. Грахоўскага, А. Грачанікава, В. Коўтун, Р. Баравіковай, К. Камейшы, А. Пісьмянкова, Л. Тарасюк, А. Сыса, В. Шніпа, М. Мятліцкага, І. Багдановіч, Л. Рублеўскай і інш. Завяршаюць кнігу эсэ пра літаратурныя вандроўкі ў Маскву і Кіеў. Разлічана на выкладчыкаў і студэнтаў ВНУ, навукоўцаў, настаўнікаў, старшакласнікаў і ўсіх тых, хто цікавіцца гісторыяй беларускай літаратуры і яе развіццём на сучасным этапе.

• Месца выхаду: Мінск
• Дата выхаду: 2008
• Катэгорыя: Культура, Мэтадычная літаратура, Літаратуразнаўства
• Copyright: © 2008 by А. І. Бельскі
• Кнігазбор: Kamunikat.org