Галоўная памылка Афанасія

Спалучэнне бязлітаснай шчырасці і лірычнай пачуццёвасці Югасі Каляды - дэбютны зборнік “Галоўная памылка Афанасія” змясціў апавяданне “Зялёныя бурбалкі, залаты акіян”, трылогію з аповедаў “Лета”, аповесць “Invicta, альбо Галоўная памылка Афанасія”. У трылогіі «Лета» смутак пераплятаецца эмоцыямі і пачуццямі, і чытач нібы прысутнічае пры іранічнай споведзі, калі прапануецца толькі адна версія падзей, магчыма – праўдзівая, магчыма – не, але ў кожным разе чытанне перацякае ў квазісяброўскае камунікаванне: размова выходзіць такой, якой часта і бывае ў рэальным жыцці – маналагічнай, нястрымнай і мазаічнай. Зборнік крытыкі залічаюць да моладзевай літаратуры, як піша Аксана Бязлепкіна “У незапоўненай нішы моладзевай літаратуры ў «Галоўнай памылкі Афанасія» Югасі Каляды ёсць усе шанцы стаць настольнай кнігай для тых чытачак, якім у чаканні тэлефоннага званка ад каханага патрэбна падтрымка ў выглядзе аптымістычнай гісторыі пра недарэчнага і ленаватага анёла-ахоўніка.”

• Месца выхаду: Мінск
• Дата выхаду: 2005
• Рэдактар: Каўрус Л. І.
• Выдавец: Мастацкая літаратура
• ISBN: 985-02-0757-4
• Катэгорыя: Мастацкая літаратура
• Copyright: © 2005 by Югася Каляда
• Кнігазбор: Kamunikat.org, Прыватны каталёг