Гасцінец 10 (85) 2009

Захаваць помнік архітэктуры - паштовую станцыю патрабуюць гра­мадзяне Гарадка ў звароце да міністра культуры Беларусі Уладзіміра Матвейчука. Па ініцыятыве актывіста Руху «За Сва­боду» Леаніда Гаравога накіраваны ліст да міністра культуры У.Матвейчука з пра­пановай зрабіць захады па захаванню помнікаў гісторыка-культурнай спадчыны - паштовых станцый на тэрыторыі Гара­доцкага раёна. У лісце гаворыцца: «У адпаведнасці з Канстытуцыяй Рэспублікі Беларусь, яе заканадаўствам грамадзяне краіны і службовыя асобы абавязаны клапаціцца аб зберажэнні гісторыка-культурнай спад­чыны Беларусі. У Гарадку размешчаны будынак паштовай станцыі 19 стагоддзя, які да гэтага часу не знаходзіцца пад аховай дзяржавы. Па нашых звестках ён знаходзіцца ва ўласнасці Гарадоцкага рамонтнага завода і да самага апошняга часу выкарыстоўваўся пад жыллё пакуль не прыйшоў у аварыйны стан. Нагадваем таксама, што ў аварыйным стане, патра­буе рэстаўрацыі і паштовая станцыя ў в. Кузьміно, якая ўнесена ў дзяржаўны рэ­естр гісторыка-культурнай спадчыны.

• Месца выхаду: Гарадок
• Дата выхаду: 2009-05
• Рэдактар: Гаравы Леанід
• Copyright: © 2008-2010 by Гасцінец
• Кнігазбор: Kamunikat.org