Лаўрэатка прэміі Ежы Гедройца Ганна Кандрацюк пісала кнігу з мараю аб’яднаць людзей па абодвух баках мяжы

2023-11-27 20:24

:/:

«Цуд шматгалосся людзей з беларускага памежжа».

«У прысценку старога лесу. Гісторыі людзей з Белавежскай пушчы» – гэта збор рэпартажаў журналісткі тыднёвіка «Ніва» Ганны Кандрацюк, у якім прадстаўленыя лёсы жыхароў гэтага рэгіёну як па польскім, так і па беларускім баках мяжы.

Кніга ў мінулую суботу атрымала ў Гданьску прэмію Ежы Гедройца за найлепшую беларускую кнігу 2022 году. Раней аўтарка атрымала таксама прэмію Алеся Адамовіча, якую беларускі ПЭН прызнае за найлепшую публіцыстычную кнігу.

Ганна Кандрацюк гаворыць, што галоўнай прэміі не спадзявалася, але вельмі хацела быць у Гданьску.

Кандрацюк атрымала прэмію, як агучыла журы, «за добра дакументаваны цуд шматгалосся людзей з беларускага памежжа». Першае месца – гэта грашовая ўзнагарода. Другое месца і магчымасць працаваць над сваім наступным творам на выспе Готлянд у Швецыі атрымаў Сцяпан Стурэйка за кнігу «Пасажыры карабля Тэсея». Трэці прыз атрымала кніга Сяргея Лескеця «Шэпт».

Слухайце рэпартаж у далучаным гукавым файле.

Яраслаў Іванюк

Крыніца: Беларуская служба Польскага радыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк