Літаратурны рух на эміграцыі

Агульнавядома, што беларуская культура (асабліва на выгнанні) найперш знаходзіла свой выраз, сваё адлюстраванне ў слове – слове чытаным, пісаным, друкаваным. Дзе б чалавек ні жыў – у сябе на Радзіме, ці на далёкай чужыне, апрача надзённага ён мае патрэбу выказаць свае думкі, свае пачуці, свае перажыванні. Кніга Лявона Юрэвіча “Літаратурны рух на эміграцыі” – яскравае таму пацверджанне. Выдадзеная ў 2004 годзе на 240-старонках, яна дае поўную карціну эміграцыйнай літаратуры. Кніга ўтрымлівае цікавыя матэрыялы, а таксама архіўныя дакументы, каштоўныя аўтографы і фотаздымкі, з якіх глядзяць на нас людзі, закінутыя лёсам на чужыну, але якія не зракліся сваёй беларускасці, сваёй мовы і культуры. Ньюёрскі даследчык Лявон Юрэвіч падрабязна інфармуе свайго чытача аб плынях, суполках і перыёдыцы, якія існавалі на чужыне і былі выразам душэўнай патрэбы беларусаў. Распавядае аб кнігах беларускіх пісьменнікаў-эмігрантаў.

• Месца выхаду: Менск
• Дата выхаду: 2002
• Рэдактар: Гардзіенка Алег
• Выдавец: Беларускі Гістарычны Агляд
• ISBN: 978-5272-10-9
• Катэгорыя: Гісторыя, Літаратуразнаўства
• Copyright: © 2002 by Лявон Юрэвіч, Беларускі Гістарычны Агляд
• Кнігазбор: Kamunikat.org, Каталёг БГТ, Каталёг EEDC, Прыватны каталёг
• Інвэнтарныя нумары: BTH — 2582, EEDC — 531, 531-2
• Дадатковая даведка: Сэрыя: Досьледы; Навукова-рэдакцыйная рада сэрыі: Аляксей Каўка, Вітаўт Кіпель, Адам Мальдзіс, Яўтен Мірановіч, Уладзімір Міхнюк, Віталь Скалабан, Захар Шыбека, Лявон Юрэвіч; Каардынатар: Генадзь Сагановіч