Лукіская турма ў цэнтры Вільні стала «музэем і зонай мастацтва»

2023-01-04 16:41

Лукіскую турму ў цэнтры Вільні закрылі амаль два гады таму і перадалі ў арэнду прыватнай кампаніі. Цяпер там «зона мастацтва і музэю», каток і месца для адпачынку.

Дырэктар новай прасторы «Лукіская турма 2.0» Повілас Ажэліс лічыць, што трансфармацыя месцаў — вельмі важная рэч, і што зь цягам часу і Беларусі ня будзе патрэбна так шмат турмаў.

«Вы не павінны нішчыць і руйнаваць гэтыя будынкі. Вы павінны зьмяніць настрой гэтага месца, і яно таксама будзе сымбалем, сымбалем таго, як цяпер можна пераадолець мінулае і перайсьці на іншы ўзровень».

Журналіст Свабоды, былі палітвязень Алег Грузьдзіловіч наведаў музэй і крэатыўную прастору ў Лукіскай турме, параўнаў гэтае месца зь менскай турмой на вуліцы Валадарскага. Алег кажа, што беларускае грамадзтва найперш павінна ўсё перажыць, а потым і ў беларускіх турмах можна будзе ствараць музэі і прасторы для адпачынку, але музэй тут — галоўнае.

Крыніца: Радыё Свабода

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк