Музыкаў гурта IRDORATH затрымалі падчас святкавання дня нараджэння

2021-08-03 17:03

2 жніўня на лецішчы затрымалі музыкаў фэнтэзі-фолк гурта IRDORATH, паведамляюць праваабаронцы "Вясны". Вядома пра затрыманне мінімум шасці чалавек.

Гэта Антон Шнып, Пётр Марчанка, Павел Шмыга, Уладзімір Калач, Юлія Юніцкая і Аляксандр Сінкевіч.

Музыкі святкавалі дзень народзінаў вакалісткі гурта Надзеі Ірдарат. Паводле папярэдняй інфармацыі, іх вінавацяць у непадпарадкаванні супрацоўнікам міліцыі (арт. 24.3 КаАП) за тое, што не адчынілі браму.

Затрыманых даставілі ў Ждановіцкі аддзел міліцыі. Верагодна, сёння іх будуць судзіць у Мінскім раённым судзе.

Крыніца: Еўрарадыё

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк