Мяжа

Аўтабіяграфічны раман Андрэя Федарэнкі лёг у аснову аўтарскага выданьня, у якім акрамя аднайменнага раману зьмешчаныя таксама і апавяданьні аўтара. Адкрытасць і непасрэднасьць – адзін з прыёмаў, які прымушае чытача дачытаць раман і апавяданьні да канца. Разважаньні – аснова аповеду Андрэя Федарэнкі. У простых, часам хаатычных словах, сказах, радках маем матэрыялізаваныя думкі аўтара, якому ўдалося думку перанесьці на паперу. У кароткай анатацыі кнігі зазначаецца, што раман “Мяжа” ужо пасьля публікацыі ў літаратурных часопісах крытыкі называлі новай зьявай у беларускай літаратуры. Але ўпершыню раман сабраны з апавяданьнямі пад адной вокладкай, што робіць вобраз аўтара больш поўным і дазваляе атрымаць незабыўную асалоду ад спазнаньня своеасаблівага ўспрыманьня сьвету.

• Месца выхаду: Мінск
• Дата выхаду: 2011
• Рэдактар: Макрэцкая М. А.
• Выдавец: Літаратура і Мастацтва
• Памеры: 264 с., 21 см
• ISBN: 978-985-6994-07-7
• Катэгорыя: Мастацкая літаратура
• Copyright: © 2011 by Андрэй Федарэнка
• Кнігазбор: Kamunikat.org