На Падляшшы пачынаецца аўтарскі тур Ганны Кандрацюк

2025-12-09 17:23

:/:

Цэнтр беларускай культуры ў Беластоку запрашае на цыкл сустрэч з пісьменніцай, журналісткай і рэпарцёркай Ганнай Кандрацюк і прэзентацыю яе кнігі «Проста з любові. Рэпарцёрскія партрэты памяці». У кнізе – сем гісторый пра людзей, якія пакінулі яскравы след у беларускай і польскай культуры: Кастусь Каліноўскі, Ежы Папялушка, св. Марыя (Петручук), Алесь Пушкін, Юрка Гіль, Надзея Артымовіч, Юрый Гумянюк.

Кажа Ганна Кандрацюк .

– Можна будзе набыць кнігу. Думаю, што варта набыць кнігу, бо ўсе тыя кнігі, якія я напісала, разышліся па людзях. І цяпер мне тэлефануюць і пытаюцца, дзе набыць. Часам камусьці ўдаецца купіць у антыкварыяце.

Ганна Кандрацюк – аўтарка сямі кніг, лаўрэатка літаратурных прэмій імя Ежы Гедройца і Алеся Адамовіча. З 1993 года працуе ў «Тыднёвіку беларусаў у Польшчы „Ніва“», вядомая як рэдатарка дзіцячага дадатку «Зорка». Першая сустрэча-прэзентацыя з аўтаркай пройдзе ў Гміннай бібліятэцы ў Нарве 10-га снежня, пачатак а 17-й.

Расклад сустрэч:

10 снежня – Нарва, Гмінная бібліятэка, 17:00

11 снежня – Гарадок, Гмінны цэнтр культуры, 17:00

12 снежня – Нараўка, Галерэя ім. Тамары Саланевіч, 17:00

13 снежня – Бельск Падляшскі, Бельскі дом культуры, 17:00

14 снежня – Беласток, хаб «Новая Зямля», 17:00

16 снежня – Гайнаўка, Цэнтр прамоцыі рэгіёна «Чарлёнка», 17:00

Цалкам матэрыял - у далучаным гукавым файле!

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк