Народная Воля 189-190/2008

Суд над Аляксандрам Баразенкам - апошнім фігурантам "справы чатырнаццаці" - быў вельмі хуткім. Прысуд быў вынесены на другі дзень пасля пачатку судовага разбіральніцтва. У выніку, згодна з рашэннем суддзі Наталлі Вайцаховіч, Аляксандр быў прызнаны вінаватым ва ўдзеле ў несанкцыянаваным мітынгу прадпрымальнікаў, які прайшоў з парушэннем грамадскага парадку, і пакараны годам абмежавання волі без накіравання ў спецустанову. ...У мінулым нумары мы паведамлялі, што Аляксандр Баразенка не прызнаў сябе вінаватым і адмовіўся даваць паказанні. У сваю чаргу сведкі, якія выступалі па гэтай справе, здавалася б, не далі суду падстаў лічыць Баразенку вінаватым. Усе - ад кіраўніка фірмы, якая займаецца пасажырскімі перавозкамі, Градзюшкі да дырэктара фірмы таксі Булычова - сведчылі аб тым, што ў сувязі з правядзеннем 10 студзеня несанкцыянаванага мітынгу нязручнасцяў не адчулі. Выключэннем стаў супрацоўнік ДАІ Аляксей Карзюк, які сведчыў, што дэманстранты былі вельмі агрэсіўныя... Дарэчы, прагляд відэа з месца падзей, здаецца, не засведчыў, што Аляксандр Баразенка быў актыўным удзельнікам масавых беспарадкаў і парушальнікам правапарадку...

• Месца выхаду: Мінск
• Дата выхаду: 2008-12-12
• Рэдактар: Сярэдзіч Іосіф
• Выдавец: УК Народная Воля
• Кнігазбор: Kamunikat.org