Нарыс гісторыі Беларусі

Праблема асвятлення беларускай мінуўшчыны ў асноўным заключаецца ў тым, што колькасць падсумоўваючых выданняў сапраўды даволі абмежаваная. Апошняя спроба падагульніць усе звесткі з улікам часу і назапашаных ведаў зроблена Генадзем Сагановічам у яго працы "Нарыс гісторыі Беларусі ад старажытнасці да канца XVIII стагоддзя". Наогул праца мае прэтэнзіі на тое, каб задаволіць патрэбы беларусаў у ведах няпростай гісторыі нашай краіны. Выданне, акрамя іншага, мае і павучальны характар. У прыватнасці, гісторыя павінна быць і настаўніцай жыцця для новага пакалення. Старыя памылкі нельга забываць і нельга паўтараць, асабліва калі папярэдняе пакаленне заплаціла за гэтыя памылкі вельмі вялікую цану. Аўтар, падводзячы вынік сваім даследаванням і разважанням, адзначае перыяды фарміравання беларускай нацыі, як перыяд варты таго, каб пра яго ведаць і памятаць, бо дае пэўнасць, што беларусы – не трава, не выдумка і не штучны твор, маюць сваю гісторы, сваю тоеснасць свае дасягненні, а значыць маюць права на існаванне. (Н.Г.)

• Месца выхаду: Менск
• Дата выхаду: 2001
• Выдавец: Энцыклапедыкс
• Выдавецтва/ друкарня: Энцыклапедыкс
• Памеры: 412с., іл., 21см
• ISBN: 985-6374-34-2
• Катэгорыя: Гісторыя, Мэтадычная літаратура
• Copyright: © 2001 by Генадзь Сагановіч
• Кнігазбор: Kamunikat.org, Каталёг БГТ, Каталёг EEDC, Прыватны каталёг
• Інвэнтарныя нумары: BTH — 418, EEDC — 2417
• Дадатковая даведка: На вокладцы выкарыстаны фрагмент карціны „Бітва пад Оршай“ невядомага мастака 1520–х г.