Наша Ніва 41/2009

Павелічэнне пенсій з 1 лістапада пакінула пасля сябе шэраг нявырашаных пытанняў. У Законе аб пенсійным забеспячэнні пазначана, што пенсіі павінны быць павялічаныя з улікам росту сярэдняга квартальнага заробку. Цяпер няхітрая арыфметыка — сярэдні заробак за красавік4чэрвень 2008 года склаў 859 тысяч рублёў. Якраз гэтыя лічбы ўлічваліся пры папярэднім павышэнні пенсій у жніўні мінулага года. Пасля таго больш за год пенсіі не павялічваліся. Цяпер квартальны заробак роўны 1034 тысячам рублёў. Атрымліваецца неадпаведнасць — заробкі выраслі на 20,3%, а пенсіі ўзнялі толькі на 9,5%. Колькі ж недаплацілі пенсіянерам? Сярэдняя пенсія павялічылася на 37 600 рублёў, у той час як павінна была ўзрасці на 80 600 рублёў. Такім чынам, сярэднестатыстычны пенсіянер будзе недаатрымліваць па 43 тысячы рублёў. За кошт гэтага бюджэт будзе ашчаджаць $38 мільёнаў штомесяц.

• Месца выхаду: Мінск
• Дата выхаду: 2009-11-04
• Рэдактар: Скурко Андрэй
• Выдавец: Прыватнае прадпрыемства Суродзічы
• Выдавецтва/ друкарня: Друкарня РУП Выдавецтва Беларускі Дом друку
• Copyright: © 2003-2010 by Наша Ніва
• Кнігазбор: Kamunikat.org