Ніва 10 (2443)

тыднёвік беларусаў у Польшчы

У польскай навуковай і публіцыстычнай літаратуры сітуацыя, якая cклалася ва ўсходніх ваяводствах пасля 17 верасня 1939 г., называецца савецкай акупацыяй. У беларускай літаратуры наадварот — падзеі 1939 г. бачацца як вызваленне Заходняй Беларусі. У польскай гістарыяграфіі пішацца пра мільёны дэпартаваных палякаў у Сібір і Казахстан, змаганне патрыётаў супраць акупантаў і супрацоўніцтва беларусаў і яўрэяў з савецкай уладай. Калі бліжэй прыгледзецца фактам, гэты просты вобраз моцна ўскладняецца. Асабліва на Беласточчыне відаць, што савецкая ўлада не будавала тут беларускасці, ані не дыскрымінавала палякаў. Разам з Чырвонай Арміяй з усходу прыехала некалькі тысяч камуністаў, камсамольцаў, чэкістаў, юрыстаў, пракурораў і спецыялістаў усялякіх служб, якія абслугоўвалі дзяржаўную інфраструктуру — чыгуначнікаў, тэлеграфістаў, медыкаў, тэхнікаў і інжынераў. Было іх, аднак, надта мала, каб запоўніць усе структуры дзяржаўнага апарату. Неабходным было тады прымаць на працу мясцовых. У савецкіх дакументах, якія захоўваюцца таксама ў архівах Беларусі, можна знайсці дакладныя інфармацыі пра кожнага супрацоўніка савецкага апарату ўлады на Беласточчыне. (М. Мірановіч, Савецкія кадры на Беласточчыне, фрагмэнт)

Каталёг: Kamunikat.org

Пэрыёдыка: Ніва

Выдаўцы і выдавецтвы: Праграмная рада тыднёвіка Ніва

Месца выхаду: Беласток
Дата выхаду: 2003-03-09
Рэдактар: Луба Віталь
Выдавец: Праграмная рада тыднёвіка Ніва
Кнігазбор: Kamunikat.org

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк