Ніва 12 (2393)

Хаця дакладна невядома колькі людзей у свеце адзначае 25 Сакавіка як сваё нацыянальнае свята, але несумненна гэта большасць выхадцаў з Беларусі і знакамітая меншасць грамадзян сучаснай Рэспублікі Беларусь. Гэтую дату лічыць святочным днём таксама пару соцень чалавек на Беласточчыне. Беластоцкія беларусы знаходзяцца ў падобнай сітуацыі, што іх суродзічы ў Беларусі. І тут, і там дзяржава ў такі сам спосаб ставіцца да людзей гэтай нацыянальнасці; і тут, і там люд беларускі хоча служыць іншым народам і іншым культурам. Мы знаходзімся, аднак, у зусім іншым юрыдычным становішчы, чым нашы суродзічы ў Беларусі. Жывем у польскай дзяржаве, якую стварылі палякі для сваіх як духоўных, так і матэрыяльных партэб. За мяжой існуе фармальна незалежная беларуская дзяржава, больш за 80 працэнтаў яе насельніцтва складаюць людзі, якія два гады таму сваю нацыянальнасць назвалі беларускай. Дзяржава, аднак, фактычна служыць рускай нацыі, а тыя ж беларусы робяць усё, каб быць падобнымі на рускіх, сваіх дзяцей вучаць перш за ўсё прыгожа размаўляць на рускай мове. (Я. Мірановіч, Свята свабодных беларусаў, фрагмэнт)

• Месца выхаду: Беласток
• Дата выхаду: 2002-03-24
• Рэдактар: Луба Віталь
• Выдавец: Праграмная рада тыднёвіка Ніва
• Copyright: © 1999-2009 by Праграмная рада тыднёвіка Ніва
• Кнігазбор: Kamunikat.org