Ніва 16 (2397)

Ад дзесяці гадоў палітычная вясна ў Беларусі пачынаецца 25 сакавіка. Два тыдні пасля гэтай даты, калі я пабываў у Мінску, вяліся там яшчэ жывыя дыскусіі наконт тактыкі паасобных груповак, якія ў гэты дзень, кожная паасобку, арганізавалі шэсці, мітынгі і дэманстрацыі. Нішто не паказвае, што ў найбліжэйшае дзесяцігоддзе беларуская апазіцыя выйдзе разам на вуліцу дамагацца хаця б свабоды і дэмакратыі. Нават у гэтай справе няма згоды ці можна выйсці разам з палітычнай канкурэнцыяй, найчасцей з ранейшымі партыйнымі калегамі. Дзеячы падазраюць адзін аднаго ў карумпаванасці, прадажнасці ці гэта заходнім, ці расійска-лукашэнкаўскім спецслужбам. Сярод апазіцыі не відаць аўтарытэтных людзей, якія маглі б пацягнуць за сабой штораз больш фрустраваны натоўп. Няма там нават палітыка накшталт польскага Лепэра, які прыняў бы спробу пераскочыць дэмагогіяй прэзідэнта Лукашэнку. (Я. Мірановіч, Прадвесне ў Беларусі, фрагмэнт)

• Месца выхаду: Беласток
• Дата выхаду: 2002-04-21
• Рэдактар: Луба Віталь
• Выдавец: Праграмная рада тыднёвіка Ніва
• Copyright: © 1999-2009 by Праграмная рада тыднёвіка Ніва
• Кнігазбор: Kamunikat.org