Пад небам Беларусі

Ад Асвейскага берага да берага Прыпяцкага, ад Мсціслаўскіх узвышшаў да пушчанскіх глыбінь Белавежжа нябачнымі павуцінкамі працягнуліся маршруты шматлікіх маіх падарожжаў. Гэта быў досыць імклівы і шчодры час сустрэч і адкрыццяў. Я адкрываў для сябе не толькі краіну ў цэнтры Еўропы, найперш — зямлю маіх продкаў. Бо заўсёды адчуваў кроўную роднасць з ёю. I кожнае далёкае ці блізкае падарожжа падмацоўвалася гэтым духоўным стрыжнем, які дапамагаў спасцігнуць глыбіннасць у пошуках і назіраннях. Але непадробнае натхненне заўсёды выкпікалі сапраўдная прыгажосць Беларусі, яе ландшафты, маляўнічыя куточкі, старажытная архітэктура. Як уявіць зямлю без акварэльных світанкаў над азёрамі і рэкамі, перламутравых летніх туманоў і вясёлак, без крышталёвай шэрані лясоў — яны суправаджалі мяне ў дарогах, казыталі цярпенне, узрушалі, прымушалі спыняцца і «спыняць» імгненні?! Як хацелася часам гучна вымавіць свае пачуцці: «Цудоўная ты, зямля, заўсёды — у змрочных і блакітных нябёсах, у прамяністым святле раніц, у хвалістым іржышчы, у гулкім звоне вясковай царквы, у прыдарожным валуне і самотным дрэве на ўскрайку поля!» (Анатоль Кляшчук, фрагмент)

• Месца выхаду: Мінск
• Дата выхаду: 2007
• Выдавец: Беларусь
• ISBN: 978-985-01-0712-1
• Катэгорыя: Экалёгія, Этнаграфія, Гісторыя, Культура, Геаграфія
• Copyright: © 2007 by Анатоль Кляшчук, А. У. Таболіч - пераклад на англійскую мову, Выдавецтва Беларусь - афармленне
• Кнігазбор:
  • BTH — бібліятэка Беларускага Гістарычнага Таварыства, ul. Proletariacka 11, Białystok (папяровы асобнік)
• Інвэнтарныя нумары: BTH — 5161
• Дадатковая даведка: Książka ze zbiorów Grażyny i Wiktora Wołkow. Dar Grażyny Wołkow.