Памёр паэт Алесь Разанаў

2021-08-26 11:37

:/:

Алесь Разанаў памёр ва ўзросце 73 гадоў. Ён быў адным з самых значных беларускіх паэтаў усіх часоў.

Выключаны з універсітэта ў 1969 годзе за патрабаванне навучання па-беларуску, ён не зламіўся. Ягоныя філасофскія вершы змянілі беларускую літаратуру.

Алесь Разанаў нарадзіўся 5 снежня 1947 года у вёсцы Сялец Бярозаўскага раёну Берасцейскай вобласці. Працаваў выкладчыкам беларускай мовы і літаратуры, рэдактарам у выдавецтве „Мастацкая літаратура” і ў часопісе „Крыніца”. Лаўрэат Дзяржаўнай прэмii Беларусi iмя Янкi Купалы.

Творы Алеся Разанава перакладзены больш чым на 20 моў.

„Смерць Алеся Разанава – гэта вялікая страта для беларускай літаратуры,” – кажа Валянцін Дубатоўка, гарадзенскі літаратар.

– Алесь Разнаў – гэта паэт нават не еўрапейскага, а сусветнага маштабу. Безумоўна творчасць яго – гэта ўзор ведання не толькі мовы, літаратуры, гэта адчуванне болю народа і нават разуменне таго, што будзе з гэтым народам праз некаторы час. Гэта вельмі таленавіты чалавек. Вельмі сумую, таму што беларуская літаратура страціла сапраўды вялікага паэта.

Якуб Сушынскі, Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк