Полымя 1 (999) 2013

Пад берагам плюскала вада, цёмная і таямнічая. Далей па цячэнні ракі была кладка, аднак па ёй не пайшлі — адолелі Лосьну па мелкаводдзі, якраз у тым месцы, дзе ў яе ўпадала Пліса. Доўга плёхаліся ў вадзе. На бераг усцягнуліся мокрыя вышэй пояса, а потым зноў трапілі на нейкую балацявіну. Гэта было старое рэчышча. Выкручвалі анучы і пераабуваліся пад разложыстым дубам, што стаяў на грудку, адтуль рушылі да хутара. Яшчэ не развіднела, панаваў змрок, але на падыходзе да хутара іх пачуў сабака. За плотам з будкі выскачыў здаравенны ваўкарэз і ашчэрыў клыкі, забрахаў, а потым неяк тужліва завыў.

• Месца выхаду: Мінск
• Дата выхаду: 2013-01
• Рэдактар: Мятліцкі М.
• Выдавец: РЭДАКЦЫЙНА-ВЫДАВЕЦКАЯ ЎСТАНОВА ВЫДАВЕЦКІ ДОМ «ЗВЯЗДА»
• Copyright: © 2013 by Полымя
• Кнігазбор: Kamunikat.org