Развагі

Гэта збор выбраных артыкулаў і прамоваў, якія пабачылі сьвет і прагучалі на пачатку 90-х гадоў мінулага стагодзьдзя. Матэрыялы былі сабраныя для таго, каб не згубіліся ў архівах і ўспамінах, што ня рэдка адбывалася і з гісторыяй найноўшай. У прадмове аўтар кажа, што “гэтая кніга – паклікана паўстрымаць працэс таптаньня памяці і разбуральнага забыцьця. Падаецца толькі фактура – артыкулы, якія былі адбіткам ідэі і адлюстраваньнем вялікай нацыянальнай няроўнай і, ў літаратурным сэнсе, трагічнай барацьбы. Як раз гэты пэрыяд на думку Зянона Пазьняка быў вельмі важным, бо пасьля атрыманьня незалежнасьці Беларусі, барацьба са зьнешнім воргам ня скончылася, а падзеі пачатку 90-х паказалі, што праціўнікі беларушчыны ня сьпяць і яшчэ ўздымуць свае крылы, што мы і бачым сёньня.

• Месца выхаду: Варшава–Нью Ёрк–Вільня
• Дата выхаду: 2007
• Выдавец: Беларускія Ведамасьці, Таварыства Беларускай Культуры ў Летуве
• ISBN: 9955-9337-6-3
• Катэгорыя: Гісторыя, Палітыка, Мэмуары
• Copyright: © 2007 by Зянон Пазьняк
• Кнігазбор: Kamunikat.org, Каталёг БГТ, Прыватны каталёг
• Інвэнтарныя нумары: BTH — 3950
• Дадатковая даведка: Аўтар выказвае асаблівую падзяку Фаіне Ціханаўне Рымшы, а таксама Анатолю Грошаву, Юры Ляоненку, Віталю Пузачу, Вользе Прысмыцкай, Алене Варанцовай за тэхнічную дапамогу ў працы над гэтай кнігай; Кніга аддрукаваная пры грашовай падтрымцы „Беларускай Фундацыі імя Рамуальда Траўгута” ў Варшаве, „Беларускай Фундацыі імя Пётры Крэчэўскага” ў Нью Ёрку, фундацыі „Орса-Рамана – Культурная і Адукацыйная Фундацыя для Беларусаў” (Нью-Ёрк), „Беларускага Інстытуту Навукі і Мастацтва” (Нью-Ёрк), а таксама на сродкі аўтара. http://www.zianonpazniak.de