Siva zozula

Кожная вёска мае сваю гісторыю, свае звычаі, свае песні і сваю мову. Гаворка адной вёскі адрозніваецца ад гаворкі другой. У гэтым адметнасць. Ды і седзячы на лавачках перад плотам жанчыны, дзяўчаты спяваюць нібыта такія ж, нібыта тыя самыя песні, але ў кожнай вёсцы свая версія, непадобная да іншых. Кніга “Siva zozula” – гэта гісторыя Падляшша ў цэлм, гісторыя аднае вёскі, ды вельмі грунтоўны не тое, каб аналіз, а запіс традыцый, звычаяў, святаў і фальклору вёскі Трасцянка, што ў гміне Нарва Гайнаўскага павета. Кніга напісана ў мясцовай гаворцы з выкарыстаннем лацінскага алфавіта, што робіць яе цікавейшай, але і цяжэйшай у чытанні для чытачоў з Беларусі. Тым не менш, выкарыстанне ў кнізе гутаркавай мовы дадзенай вёскі – добры спосаб на захаванне гаворкі, якой карыстае што раз менш асобаў – вёска вымірае, моладзь “по-своёму” не гаворыць, а разам са старажыламі памірае і мова. У кнізе ў адмысловых раздзелах апублікаваны песні, запісаныя ў вёсцы Трасцянка, да слоў дададзены ноты, што робіць публікацыю больш вартаснай. Адрасуецца культуразнаўцам, гісторыкам, мовазнаўцам, даследчыкаі і ўсім тым, хто цікавіцца гісторыяй роднага краю. (Н.Г.)

• Месца выхаду: Беласток
• Дата выхаду: 2006
• Рэдактар: Łatyszonek Oleg
• Выдавец: Białoruskie Towarzystwo Historyczne, Związek Białoruski w RP
• Выдавецтва/ друкарня: Offset-Print
• ISBN: 83-60456-03-8
• Катэгорыя: Этнаграфія, Гісторыя, Культура, Мастацкая літаратура, Грамадзтва, Мэмуары
• Copyright: © 2006 by Wiktor Stachwiuk
• Кнігазбор: Kamunikat.org, Каталёг БГТ, Прыватны каталёг
• Інвэнтарныя нумары: BTH — 1534, 1533
• Дадатковая даведка: Zrealizowano przy wsparciu finansowym Urzędu Marszałkowskiego Województwa Podlaskiego w Białymstoku