- Kamunikat.org
- Бібліятэка
- Кнігазборы
- Калекцыі
- Іншае
Цяжка стомлены ад пражытых гадоў, з прыадкрытым для дыхання ротам, твар, – глядзеў на мяне. Лысы чэрап з некалькімі выспамі – прылепленымі кароткімі валасамі, здаваўся шурпатым. Напэўна, ад рассыпанай то тут, то там “грэчкі” – рыжаватых плямак. Сціснутыя ў кулакі цяжкія рукі ляжалі на стале. Іх гаспадар толькі што скончыў трапезу і нібы вачыма нешта шукаў ува мне. Глядзеў неадрыўна. І я глядзеў на яго. Я першым не вытрымаў позірку яго моцных, выгаралых вачэй. І зноў узяў у рукі кубак з кавай, зрабіў некалькі глыткоў. Ён сядзеў за два сталы ад мяне. Як і я, адзін. Пераглядкі скончыліся, калі ён рукой паклікаў мяне да сябе. (фрагмент)