- Kamunikat.org
- Бібліятэка
- Кнігазборы
- Калекцыі
- Іншае
Заўсёды, калі вяду экскурсію, выбіраю ў групе самую сімпатычную жанчыну і спрабую ёй спадабацца. Навошта я гэта раблю? У мяне з’яўляецца натхненне, як у кожнага мужчыны, перад якім стаіць аналагічная задача. І экскурсія атрымліваецца цікавай. Вось ужо колькі гадоў займаюся сваёй справай, здаецца, дайшоў да аўтаматызму, ведаю, як успрымуць тую ці іншую фразу, а вось наладжваюся на працу такім спосабам. І экскурсія падабаецца мне самому. А я – чалавек самакрытычны. Я кідаю на гэтую жанчыну як бы выпадковы погляд, потым не звяртаю некаторы час ніякай увагі, раптам гляджу ва ўпор і зноў міма… Ідзе гульня. Пра яе ведаю толькі я. (фрагмент)