„Цудоўную краму” ў Воршы высяляюць з будынка

2020-11-09 12:09

:/:

У Воршы толькі год на адным месцы адпрацавала „Цудоўная крама”.

Крама сувеніраў і нацыянальнай сімволікі адкрылася летась непадалёк чыгуначнага вакзала, сюды заходзілі як аршанцы, так і госці горада.

Але цяпер аршанскую краму высяляюць з будынка па палітычных матывах, распавёў яе ўладальнік Ігар Казмерчак:

– Палітычна матываваны наезд, таму што па ўказе 506 аб пад’ёме Аршаншчыны з руінаў і попелу праверак па Аршанскім раёне не павінна быць да 2022 года. І тое, што да нас прыйшла такая праверка, я гэта звязваю выключна з палітычным прэсінгам. Хоць абскарджваць зараз не мае сэнсу, але ў будучым, канешне, гэта будзе падставай для разбіральніцтва. Увогуле Дэпартамент фінансавых расследаванняў па Віцебскай вобласці стаў сёння інструментам ціску на нязгодных прадпрымальнікаў.

Пасля закрыцця ў Віцебску крамы „Князь Вітаўт” толькі „Цудоўная крама” ў Воршы была адзіным месцам, дзе можна было набыць нацыянальны сцяг і беларускія сувеніры. Аднак Ігар Казмерчак не здаецца і працягне працу з калегамі на новым месцы. Пакуль жа апошнія тыдні крама беларускіх сувеніраў працуе па старым адрасе на вуліцы Молакава, 5.

Кастусь Багушэвіч, Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк