Тут і цяпер 27.01.2011

Расійская пастка захлопваецца. Блізкі сябра А.Лукашэнкі, расійскі алігарх у выгнанні Барыс Беразоўскі, нядаўна публічна выдаў, што ў падзеях 19 снежня Аляксандра Лукашэнку падставілі расійскія спецслужбы. Наколькі праўдападобная гэтая версія? Па “дзіўным” збегу акалічнасцей літаральна перад самай інаўгурацыяй А.Лукашэнкі адбылася сустрэча беларускага і расійскага прэм’ераў — Міхаіла Мясніковіча і Уладзіміра Пуціна, на якой апошні заявіў, што аб’ём субсідзіравання беларускай эканомікі ў нафтавым сектары складзе, як і ў 2007— 2009 гадах, 4 млрд 124 млн долараў. І па газе, здаецца, краіны выходзяць на ўзаемапрымальныя дамоўленасці. І атамную станцыю ў Беларусі ўжо зноў павінны будаваць расіяне. Вось толькі ўзнікаюць адразу некалькі “але”. Беларусь была вымушана падпісаць нафтавае пагадненне на ўмовах расіян. Страты ад гэтага, як лічаць некаторыя незалежныя эксперты, вагаюцца ў межах ад 1 да 2 мільярдаў долараў.

• Дата выхаду: 2011-01-28
• Рэдактар: Уласаў А.
• Выдавец: ТАА Тут і цяпер
• Copyright: © 2011 by Тут і цяпер
• Кнігазбор: Kamunikat.org