Творчая сустрэча са Змітром Бартосікам і Юстынай Карпіловіч пройдзе ў Беластоку

2025-05-05 16:12

На канцэрце, які адбудзецца ў Беластоку 12 траўня, вы маеце шыкоўную магчымасць пасмяяцца скрозь слёзы з неверагодных гісторый пісьменніка і барда Зміцера Бартосіка, а таксама паплакаць скрозь смех, слухаючы баладныя споведзі маладой пясняркі Юстыны Карпіловіч, якая праз музыку асэнсоўвае тое, што з намі адбываецца апошнія гады.

Зміцер Бартосік выдаў кнігу апавяданняў з уласнага жыцця «Чорны пісталет» і два альбомы сваіх песень. Кніга падарожжаў «Быў у пана верабейка гаварушчы...» прынесла аўтару некалькі прэмій, а Беларускі Свабодны тэатр паводле яе паставіў спектакль.

Кніга «Забіць Упалмінзага» завяршае яго трылогію «Падарожжаў Свабоды». Набыць яе і падпісаць можна будзе на сустрэчы!

Крыніца: Kamunikat.org

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк