У Беластоку адбыўся дэкламатарскі конкурс прысвечаны Дню роднай мовы

2023-02-22 13:47

:/:

У Беластоку адбыўся другі дэкламатарскі конкурс, прысвечаны Дню роднай мовы. Арганізатары конкурсу – фонд „Тутака”, згуртаванне беларусаў свету „Бацькаўшчына”, кампанія „Будзьма беларусамі!”, беларускі ПЭН-цэнтр і іншыя.

На ўдзел было пададзена больш за 80 заявак. Сваімі ўражаннямі дзеліцца адна з фіналістак:

– Была вельмі добрая, светлая, беларуская атмасфера. Я чытала ўрывак з „Інтэрнэт-дзённіка Барбары Радзівіл” Марыі Мартысевіч. Гэты верш мне вельмі падабаецца, з аднаго боку сваёй нейкай непасрэднасці, а з іншага боку даволі глыбокім пасылам, які ёсць у гэтым вершы.

Фінал конкурсу адбыўся ў Беластоцкім тэатру лялек. Шэраг удзельнікаў з іншых краін свету, якія не смаглі прысутнічаць асабіста, даслалі арганізатарам свае відэа.

Як зазначыў адзін з арганізатараў, Павел Станкевіч, сёлета конкурс сабраў амаль у два разы больш удзельнікаў, чым у мінулым годзе.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк