У гродзенскага гурта Dzieciuki выйшаў новы міні-альбом «Зямля, вагонь ды вада»

У рэліз увайшлі тры кампазіцыі: Тадэвуш Рэйтан, Усяслаў Чарадзей, Зялёныя палі маёй зямлі.

Запісваўся альбом у трох гарадах – Гродна, Кракаў (акардэон) і Варшава (вакал і бэк-вакал). Вокладку да альбома намалявала дачка лідара гурта Dzieciuki Дар’я Дзянісава.

Словы да песен «Тадэвуш Рэйтан» і «Усяслаў Чарадзей» напісаў гродзенскі паэт Дзяніс Жыгавец. Песня «Зялёныя палі маёй зямлі» – народная ірландская песня, якую пераклаў паэт Андрэй Хадановіч.

Dzieciuki – беларускі фолк-панк гурт, заснаваны ў 2012 годзе ў Гродне. Выконвае песні на беларускай мове ў асноўным на гістарычную тэматыку. Па выніках 2014 года атрымала прэмію «Героі года» ад музычнага партала «Тузін Гітоў». Перыядычна выступы гурта падвяргаюцца забаронам.

ав/Будзьма!