У Коўне адновяць магілу „бацькі” бел-чырвона-белага сцяга

2022-11-08 15:34

:/:

Беларускі актывісты Коўна запланавалі аднавіць магілу дзеяча БНР і архітэктара Клаўдзія Дуж-Душэўскага на Петрашунскіх могілках і ўсталяваць на ёй шыльду на беларускай мове.

Кажа каардынатар праекта па зборы сродкаў Ніка Выгоўская:

– Пайшлі наведаць могілкі, быў сюрпрыз для мяне, што няма шыльды па-беларуску. Вырашылі аб’явіць краўдфандынг, знайшла нашчадкаў Дуж-Душэўскага. Калі чалавек, сябра Рады БНР стварыў нашыя нацыянальныя сімвалы і ў яго на могілках нават няма шыльды па-беларуску, дык што ж мы за нацыя. Давайце зробім. Я хачу сказаць, што гэта важна і прашу падтрымаць.

Урачыстае адкрыццё адноўленай магілы Клаўдзія Дуж-Душэўскага запланавана на 25-га сакавіка 2023 года. Неабходная сума – 2 550 еўра.

Жадаючыя могуць дасылаць ахвяраванні на рахунак арганізацыі:

Polyglot Language Organization: IBAN LT687300010171217703 Swedbank”, AB Konstitucijos pr. 20A, 03502 Vilnius, Lietuva SWIFT kodas: HABALT22.
Прызначэнне плацяжу: Duzh-Dusheuski Або праз Paypal для карыстальніка nikawegosky@gmail.com.

Беларускае Радыё Рацыя

Крыніца: Беларускае Радыё Рацыя

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк