У Вільні на паэтычным фэстывалі «Вершы на асфальце» абвясьцілі імя сёлетняга ляўрэата

2023-02-10 21:38

:/:

Шосты лаўрэат прэміі Стральцова не прыехаў у Вільню, застаўся ў Беларусі. Яму яе уручыць удава Стральцова Алена. Перамог сёлета паэт і перакладчык Юрась Пацюпа. Яго кніга мае назву "Рой".

Абвяшчэньнем ляўрэата сёньня ў Вільні пачаўся штогадовы міжнародны паэтычны фэстываль «Вершы на асфальце» імя Міхася Стральцова. Сёлета фэстываль праходзіць 10-12 лютага з удзелам паэтаў зь Беларусі і замежных краін.

Фэстываль будзе ісьці на трох культурных пляцоўках; акрамя паэтычных чытаньняў, адбудуцца абвяшчэньне ляўрэата літаратурнай прэміі Міхася Стральцова, прэзэнтацыі 100 кніг сэрыі «Паэты плянэты» і 10 новых беларускіх паэтычных зборнікаў.

У рамках фэстывалю адбыдзецца прэзэнтацыя кнігі «Алесь» пра ляўрэата Нобэлеўскай прэміі міру, праваабаронцы і пісьменьніка Алеся Бяляцкага.

Праграма фэстывалю.

Крыніца: Радыё Свабода

Камунікат.org – Беларуская Інтэрнэт-Бібліятэка

Пры выкарыстаньні матэрыялаў у друку спасылка на крыніцу інфармацыі абавязковая.
Пры выкарыстаньні матэрыялаў у Інтэрнэце прамая гіпэрспасылка на Kamunikat.org абавязковая.
Ідэя сайту Яраслаў Іванюк